alrammah 8 years ago كيف ايجنك.....اشتاقن قريب ايموتن يبنك......
لانظار يبحثن عن راي..
......................................
حيه عليهن لانظار يابعيد الدار يامافيهن/
اشتاقن اوحاسن مزقن ماقيهن/
غالي عليهن يا بلا لاينك/
لوكان غير تدري ويش بارم بيهن/
من شوق اوشقا هابا عليك هبنك/
امرايفات يبنك اوماتبيهن/
الله ايعطيك الخير داهن منك/
بينك او بين الله ياناسيهن/
ويش صحلك قول الحقيقه كنك/
ونكان فيه تكبيده علي خاطيهن/
امسامحات يغنيهن غني عن حنك/
خوذ غايتك عيش الزهاء ورخيهن/
واخذات عالقهره بعيدن عنك/
ونكان غيرهن فاتك نويت اتجيهن/
عطهن هلاك انخيبنلك ظنك/
علي رق حالتهن اوخلو ايديهن/
بيش ما تريد ابعمرهن يفدنك/
مايخذلنك يوم ياعاميهن/
اللي يبحثن عن رأي به يصلنك/
واخر كلام احكيلهن هنيهن/
بأسباب مافيهن جرا كيفنك/
...................................
..........كيف ايجنك...........
alrammah 8 years ago ظنك ايجي يوم ننساك،،،،وتهون يامفزع منامي.
مازلت من نار فرقاك ،،،،نموج م الوجع غير كامي.
احداي وين يطروا اسماك،،،،ننجل ترقد اعظامي.
اطياح دمع عيني فداك،،،،نعرضلها في اكمامي.
ياظلام ليلي بلاك،،،،وياغرازكن يا اقلامي.
احدا خلو لوهام هراك،،،،انجي ماللهيب رامي.
هول الجفا وهول مرجاك،،،،وياسك ورقة عزامي.
امشرفاتني ع الهلاك،،،،ومهتلاتني بالكمامي.
ياعزيلتي بيش نفداك،،،،بيش نتقي ياقسامي.
ياريتنا ما احضرناك،،،،اوحدي لا فزع لامحامي.
ني وعين نزحت وراك،،،،افتل هدبها وهي تمامي.
الجرح في مالموح هتاك،،،،علق ف الظلايم ظلامي.
hana8233 8 years ago ﺧﻠﻚ ﻡ ﺍﻟﻜﻼﻡ .. ﺍﻥ ﻗﺘﻠﻚ ﺩﺭﺕ ﻣﻦ ﺑﻌﺪﻙ ﻋﺰﺍﻡ ,, اي والله
hana8233 8 years ago ﺧﻠﻚ ﻡ ﺍﻟﻜﻼﻡ .. ﺍﻥ ﻗﺘﻠﻚ ﺩﺭﺕ ﻣﻦ ﺑﻌﺪﻙ ﻋﺰﺍﻡ ,, اي والله
alrammah 8 years ago خلك م الكلام .. ان قتلك درت من بعدك عزام .. امغير كلام خلك م الكلام...
خلك يا حبيّب يابوقلب طيب يا الطيب.. يا البعيد مني يا قريّب ياجيياي ديما المنام ..
عمري فيك ماشوري نسيب ،، وعمري فيك مانايس اقسام.
خلك م القطاف،،مافكرت لحظه بلخلاف.
بلاك العقل ياصايف اصياف..وموش بعيد يلفالا اعدام.
يجري جري شور التلاف،،وراك اسببه ياسمح الابسام.
تنظر فيه مريوح يتراف ،،امغير عليش قلت هالرحام.
حتي انكان في صوبي اتعاف،،،عند العقل راك صاحب مقام.
خلك م الدواوي ،،فيك القل ماسكاته رساوي.
امغير عليك ماعندا حكاوي،،،يابودور كي ريش النعام.
يابوعين كي عين النداوي ،، يابو دور كي ريش النعام.
نصيبك وين نلقاها فتاوي،،،وين اندوح بدموع الايتام.
خلك م السهاري،،، حبك راه حوسلي مداري.
مافرقت ليلي من نهاري،،،دونك توق توقت بدر تام.
خلك م الكلام ،، ان قتلك درت من بعدك عزام ،، امغير كلام خلك م الكلام،
alrammah 8 years ago نجم الليل ياليله ثقيل ،،،قصير الدرج في كبد السما.
لالي لوم يعجل ع الرحيل،،،ولا لي لوم تاتيني اخري.
صايف فيك مرجاي الطويل ،،،صيفت جدر ماطال الثري.
شلت الصوت في ذيل الرحيل،،،لك ناديت ماجاب الندا.
جيت نموج مكسور وذليل،،،صوتي ضاع في ريح الخلا.
من فرقاك ودرت السبيل،،،لك بردان كنتي لي دفا.
لاعاد دل قافلتي دليل،،،ولاعاد شمس ضوت لي وطا.
ولا في ليل نور لي فتيل،،،ولاعاد طير في وذني شدا.
كاس الشوق خلاني هزيل،،،نشرب فيه في صبح ومسا.
جيتك جي راكبني جفيل،،،نلعب بين غيطان العفا.
فجرتيه لحساس النبيل ،،قبلك كان عايش في خفا.
فيك ألقيت لحلامي رسيل،،،ورديات فاح لهن شذا.
جيتي طيف في عمري دخيل،،،ماسح كل ماقبله جرا.
منيتيه بالفيض الجزيل،،،حلمي نين في شطك نما.
بين ايديك ياشبه الهميل،،،صاف صاف اصياف بلكل وانتها.
يانا اليوم يانا اللي عليل،،،عني غاب جياب الدوا.
مايج كيف عاليت النخيل،،،تصفق في لرياح القوا.
وين نقول نستعدل نميل نردح كيف ميزان العصا.
راح البين بالحلم الجميل ،،،قصوري فيه بنيَن ع الخيا.
ع الاطلال في الدمعه نسيل،،،أنّادي وين ويرد الصدا.
لاسمك وين نانلقي مثيل،،؟ حروفا في نقشن في صفا ..
alrammah 8 years ago
يامرسال قوله كيف صار روح وجيب م الغالي اخبار ،، قوله كي الحال ياك امغير طيب ياغزال،، علينا قيس يطلق هالهلال واحنا فوق من كانون نار،،قوله ياالغالي ماخاطيك يملا العين والي ،،ولا ميعاد عمرا صاد بالي مانك فيه ياسم الجضار،،
قوله ياحبيب وين تغيب شي واجد يغيب،،لا لي نوم نومي نوم ذيب ولا لي ضحك ضحكتني قصار،،قوله ياحنون غيابك شوق زارع ف العيون ،،حراقات في غمض الجفون طرطاشات طرطاشات للدمع لكبار
alrammah 8 years ago
hana8233 8 years ago
